Policia britanike, pas informacioneve të shkëmbyera me policinë shqiptare, ka arrestuar katër shtetas të Britanisë së Madhe, të akuzuar për përfshirje në vrasjen e Ardian Nikulajt. Gjykata ka vendosur që seanca për ekstradimin e britanikëve të akuzuar të mbahet më 5 maj.
Bëhet me dije se një gjykatë në Londër e specializuar për ekstradimet, mori në shqyrtim kërkesën e shtetit shqiptar për një shqiptar dhe dy anglezë të arrestuar të premten dhe të shtunën për vrasjen e biznesmenit Ardian Nikulaj.
Përpara gjykatës dolën Edmond Haxhia, Stephen Hunt dhe Thomas Mithan. Një zëdhënës i kësaj gjykate, kontaktuar nga TCH dha detajet e seancës të parë të ekstradimit.
Ai tha: “Gjykatësja e distriktit të Londrës Neeta Minhas e quajti të drejtë kërkesën e Shqipërisë dhe vendosi si masë sigurie arrestin me burg. Sikurse vendosi që seanca e radhës për këtë kërkesë ekstradimi të mbahet me 5 Maj. Gjyqtarja Neeta Minhas refuzoi aplikimin për liri me kusht nga mbrojtja e Thomas Mithan”, deklaroi zëdhënësi i gjykatës.
Sipas ligjit të ekstradimit anglez, shteti kërkues në këtë rast Shqipëria ka 45 ditë kohë brenda të cilës duhet të dërgojë dosjen me provat dhe garancitë për një gjyq të drejtë për personat që kërkon të ekstradojë.
Harriet Bridgeman, e arrestuara e katërt paraditen e të shtunës do të dalë përpara kësaj gjykate të hënën.
Discussion about this post