Është arrestuar edhe personi i katërt, implikuar në vrasjen e Ardian Nikulajt, ndodhur në një lokal në Shëngjin. Është vënë në pranga bashkëpunëtorja e autorit, shtetasja britanike Harriet Bridgeman.
Bridgeman akuzohet se ka pasur rol vëzhgues në vrasjen e Ardian Nikulajt. Policia angleze kishte arritur më herët në gjurmimin e saj. Janë ende në kërkim për vrasjen e bujshme të biznesmenit edhe dy persona, përfshirë ekzekutorin.
Edmond Haxhia ishte porositësi dhe organizatori i atentatit që i mori jetën biznesmenit Nikulaj më shumë se një javë më parë.
Portugezi, Ruben Saravia ishte ekzekutori i planit, personi i shfaqur me motor dhe jelek fosforeshent i cili qëlloi për vdekje me 7 plumba biznesmenin Ardian Nikulaj, e ndërsa 4 britanikët e tjerë kishin rolin e vëzhguesit/informatorit.
Discussion about this post