Dy hetuesit anglezë, që erdhën në vendin tonë në lidhje me vrasjen e biznesmenit Ardian Nikulaj, janë larguar nga Shqipëria.
Dy prokurorët mësohet se janë takuar një ditë më parë me zyrtarët dhe prokurorin e çështjes. Ata janë njohur me provat që implikojnë britanikët në këtë krim.
Prokurorët janë njohur gjithashtu edhe me dosjen e plotë të vrasjes së Nikulajt.
Pritet që pikërisht këta dy prokurorë të vendosin, në bazë të provave që kanë, për të ekstraduar ose jo anglezët nga vendi i tyre për në Shqipëri.
Kujtojmë se Anglia arrestoi disa persona për vrasjen e Nikulajt, ndërsa autori portugez është ende në kërkim.
Menjëherë pasi gjykata e Lezhës lëshoi fletëarrestet për grupin e 6 personave të përfshirë në këtë vrasje, skuadra e elstradimeve në NCA u hodh në veprim duke kryer në kohë rekord arrestimin në Birmingham të Edmond Haxhisë.
Ndërsa në Bristol do të arrestonin për llogari të Shqipërisë Steven Hunt, Thomas Mithan dhe Harriet Bridgeman.
Ndërsa në arrati ndodhen Harry Simpson bashkë me Ruben Saraiva.
Discussion about this post