Devolli është tronditur ditën e sotme nga një krim i rëndë, ku dy gra, nuse e vjehërr janë gjetur të vrara në shtëpinë e tyre. Sipas informacioneve, është arrestuar Ali Zili 36 vjeç, autori i cili ka shkaktuar ngjarjen e rëndë.
Autori pas ngjarjes ka ikur në mal, ndërkohë me kërkimet e policisë ai është gjetur dhe është arrestuar, ndërsa aktualisht po transportohet në policinë e Korçës ku edhe do të merret në pyetje.
Autori ka goditur viktimat me sende të forta, pasi ka tentuar të grabisë banesën dhe ka hasur në rezistencë. Mësohet se viktimat ishin nuse dhe vjehrre dhe jetonin të dyja prej kohësh pasi bashkëshortët u kishin humbur jetën, ndërsa fëmijët i kishin në Greqi.
Discussion about this post