Policia e Durrësit ka arrestuar edhe dy djemtë e Pëllumb Metës, 50-vjeçarit që prej 10 ditësh ishte denoncuar si i zhdukur nga familjarët e tij, por që mëngjesin e sotëm u gjet i groposur në një kasolle bagëtish, brenda oborrit të banesës ku jetonte.
Nga raportimet mësohet se në orët e pasdites, pas marrjes në pyetje, është vendosur arrestimi i djemve të viktimës, si bashkëpunëtor në vrasje. Dyshohet se tre fëmijët kanë ndihmuar njëri-tjetrin në fshehjen e krimit. Nga hetimet ka rezultuar se në qesen që ishte mbështjelle trupi i 50-vjeçarit, janë gjetur gjurmë gishtash të 25-vjeçarit Hysen Meta, djali i madh i viktimës. Gjithashtu si bashkëpunëtor në krim u arrestua edhe djali tjetër i viktimës, Amarildo Meta, 21 vjeç.
Në mëngjes, u arrestua vajza 19-vjeçare e viktimës, Hygerta Meta, e cila ka marrë përsipër krimin. Ajo ka rrëfyer se kishte qëlluar babain për vdekje me armë zjarri dhe më pas e kishte mbështjellë trupin e pajetë me ccarccaf, e kishte futur në një qese dhe e kishte groposur.
Policia ka ngritur dyshime se krimi i rëndë nuk është kryer vetëm nga 19-vjeccarja, për shkak edhe të fizikut të saj, duke përfshirë në rrethin e të dyshuarve edhe pjesëtarët e tjerë të familjes. Pas disa orësh hetimesh dhe marrje në pyetje, grupi hetimor ka vendosur të arrestojë vëllezërit e 19-vjeçares, ndërkohë që hetimet vijojnë.
Paralelisht, Policia dhe RENEA kanë gjetur në një zonë moccalore armën e zjarrit që dyshohet se është përdorur në krim. Vendin ku ishte hedhur arma, në një zonë pranë banesës, e ka treguar vetë 19-vjeccarja. Pritet që ekspertiza e kufomës të përcaktojë edhe kohën se kur është kryer krimi, ndërkohë që 19-vjeçarja ka insistuar se krimin e ka kryer e vetme, pasi babai po e fejonte pa dëshirën e saj me një banor të zonës që ishte emigrant.
Discussion about this post