Arbër Paplekaj, i akuzuar për vrasjen e Pjerin Xhuvanit në Elbasan do të dalë sot përpara gjykatës. Mësohet se seanca do të zhvillohet në Gjykatën e Elbasanit në orën 11:00.
Prokurori i çështjes është Ridvan Suka, ndërsa trupa gjykuese do të përcaktojë nëse janë të mjaftueshme provat apo të rihapen hetimet.
Ngjarja ndodhi në 21 prill të vitit 2021, katër ditë përpara zgjedhjeve të 25 prillit, duke përgjakur fushatën. Paplekaj, ishte pjesë e grupit të Partisë Demokratike që ishte ngritur me qëllim mbrojtjen e votës.
Pas përplasjes me armë, humbi jetën Pjerin Xhuvani, me profesion mjek dhe i njohur si aktivist i Partisë Socialiste si dhe u plagosën 4 persona të tjerë, përfshirë një oficere policie.
Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota.
Discussion about this post