Sot në Gjykatën e Rrethit Gjyqësor Elbasan një dëshmitar ka kontribuar me deklarimet e tij për zgjidhjen e misterit se në vendin e vrasjes të mjekut Pjerin Xhuvani kanë qenë shumë pistoleta të kalibrit të ndryshëm.
Mehmet Greca ka pohuar se mjeku Xhuvani, përpara se të vritej, është bllokuar nga 2 persona që nën bluzë kishin armë që dukeshin pistoleta. Ky fakt është konfirmuar nga dëshmitari duke ju përgjigjur si pyetjeve specifike të avokates Rezarta Tahiraj, që përfaqëson familjarët e viktimës për rolin e Palës civile, si pyetjeve të prokurorëve.
Deshmia e Mehmet Greces
Dëshmia e Mehmet Grecës është vlerësuar nga avokatja Tahiraj si shumë e rëndësishme sepse kontribuon në dhënien e një shpjegimi të qartë dhe llogjik që në atë ditë të vrasjes ka qëlluar jo vetëm vrasësi por edhe dy persona të tjerë që gjithsesi duken që i përkasin strukturës paramilitare të mbrojtjes së votës ose bashkëpunëtorëve të tyre të jashtëm. Është një dëshmi që shpjegon se pse ka predha të kalibrit të ndryshëm të ekspertuar nga policia në vendin e vrasjes.
Avokatja Tahiraj evidenton se dëshmia e Mehmet Grecës ishte e dobishme edhe për të përgënjeshtruar se vrasja ishte një reagim për ofendimet e marra nga mjeku Xhuvani. Mehmet Greca në fakt pohoi se viktima është vrarë pa ofenduar vrasësin dhe madje as personat e tjerë.
Pra, për avokaten Tahiraj kjo dëshmi e rëndon situatën proçedurale të vrasësit. Dhe një kontribut tjetër për rëndimin është ofruar nga dëshmitari tjetër i seancës së sotme që deklaroi se për tu arratisur larg nga Elbasani, vrasësi e ka kërcënuar ta qëlloi me një armë nëse nuk do t’i kishte dorëzuar një automjet që e përdori më pas.
Hipoteza të tjera të veprave penale do të mund të jenë pra veprimi i posedimit i asaj makine, për shembull sekuestrim, kërcënim i rëndë dhe rrëmbim. Hipoteza që do të mund të shtohen në atë të vrasjes.
Ky episod, deklaroi avokate Tahiraj, shpjeguar në detaje nga dëshmitari që pësoi rrëmbimin e automjetit tregon përsëritjen e metodës dhe të veprimeve kërcënuese të vrasësit, me një armë në dorë dhe me kërcënimin për ta përdorur atë për të vrarë.
“Një sjellje që është në kontrast të pastër me qetësinë dhe mençurinë që do të duhej të tregonte gjithmonë një ushtarak i specializuar, edhe kur nuk e ka më atë rol sikurse ndodhi për Arbër Papjekaj”- tha avokatja./TCH/
Discussion about this post