Dy të pandehurit e akuzuar për nxitjen e vrasjes së dyfishtë në Finikounda të Greqisë, të pronarit të kampingut dhe punëtorit të tij shqiptar më 5 tetor, kërkuan dhe morën një afat deri të hënën në orën 10:00, për t’u paraqitur para gjyqtarit hetues dhe për të deklaruar faljen.
Të arrestuarit janë nipi i pronarit të kampingut, Kosta Tomaras, dhe miku i tij biznesmen, i cili ishte edhe punëdhënësi i 22-vjeçarit të arrestuar për vrasjen e 68-vjeçarit. Në pranga qëndron edhe një tjetër 22-vjeçar, kurse i dyshuar është edhe një person i pestë që po kërkohet.
Motivi i krimit mendohet se është konflikti për trashëgiminë e pasurisë mes nipit dhe xhaxhait të tij. Dëshmia e mbesës së viktimës ndihmoi së tepërmi hetuesit, menjëherë pasi ajo u bë e dyshuara e parë. Detajet e reja dhe mikrogjurmët çuan tek dyshja e arrestuar së fundmi.
Greku ia kishte lënë një pjesë të mirë të pasurisë punëtorit shqiptar 62-vjeçar. Mbesa dëshmoi se xhaxhai i saj e kishte ndryshuar 5 herë në gjashtë muaj testamentin e tij, madje hera e fundit ishte disa ditë para se të vritej.
“Protothema” informon se qëndrimi i dy të pandehurve në Gjykatën e Kalamatës zgjati një orë, me avokatin e nipit 33-vjeçar që theksoi se klienti i tij po deklarohet i pafajshëm.
Avokati i 33-vjeçarit përcolli gjendjen e dobët psikologjike të klientit të tij, ndërsa theksoi se pret të marrë kopje të dosjes së çështjes në mënyrë që të japë një deklaratë të detajuar. Nipi pas ngjarjes dha dëshmi kontrakditore dhe dyshuese, teksa personi i parë të cilin telefonoi pas vrasjes ishte miku i tij biznesmen. Ai përdori telefonin e të dashurës për të kryer bisedën.
Ngjarja u kamuflua sikur ishte konflikt mes një prej 22-vjeçarëve të cilin pronari grek e kishte abuzuar seksualisht kur kishte punuar në kamping.
“Ai është i shokuar, nuk mund të hyjmë në një komunikim që do të jetë më i thelluar në lidhje me qëndrimin e mbrojtjes përtej faktit se ai po deklarohet i pafajshëm që nga fillimi”, theksoi avokati Yiannis Verras, duke shtuar se ata presin të studiojnë dosjen e çështjes dhe kryesisht të identifikojnë se sipas cilave elementë klienti i tij u bë i akuzuar.
gijotina.com/
Discussion about this post