Pas 4 muajsh, policia arriti të gjejë një armë zjarri pistoletë në banesën e Valter Bamit, i arrestuar prej fillimit të muajit korrik nga Policia, pas vrasjes së Ramazan Sinos.
Arma e gjetur në një vend të fshehtë të banesës së Bamit ishte një pistoletë revolver me 4 fishekë.
Arma e gjetur është dërguar për ekspertizë ku do të krahasohen gjurmët e barutit, për të vendosur më pas hetimet për vrasjen e Ramazan Sinos.
Valter Bami vijon të qëndrojë në burg pasi dyshohet si autor i vrasjes së Ramazan Sinos në fshatin Larushk.
Sipas raportimeve, ka qenë vetë Bami që ka treguar për vendin ku ndodhej arma. Paraprakisht ka rezultuar një pistolete revolver zhurmuese e cila mban 9 plumba, por policia ka konstatuar se në të ishin 4 fishekë.
Valter Bamit pas arrestimit i janë marrë disa mbetje baruti në dorën e djathtë për të cilën policia dyshohen se janë baruti.
Por një gjë e tillë është mohuar nga vetë personi i dyshuar i cili ka pretenduar se janë krijuar nga arma me leje që ka në banesë dhe që shpesh herë bën qitje.
Gjurma e gjetur në dorën e djathtë do të krahasohet me ato të pistoletës së sekuestruar. Përgjigja e ekspertizës do të jetë një prove e fortë për prokurorinë për ta saktësuar fatin e hetimeve për Valter Bamin.
Discussion about this post