Mëngjesin e djeshëm u gjet pa shenja jete 58-vjeçari Renato Hoxhaj, i cili punonte roje në një pallat në ndërtim, ndërkohë që mbetet mister arsyeja e ngjarjes, duke pasur parasysh faktin që viktima njihej si njeri i qetë dhe nuk kishte asnjë konflikt.
Gazetarja Anila Ahmataj, ndodhet në vendngjarje ku ka biseduar me fqinjët dhe bashkëjetuesen e 58-vjeçarit.
Në një lidhje live në emisionin “Me Zemër të Hapur” të autores Evis Ahmeti, ajo ka sqaruar se bashkëjetuesja dhe viktima nuk kanë qenë çift, por jetonin bashkë. Ai ishte i divorcuar dhe baba i dy fëmijëve dhe jetonte vetëm.
Ajo ka rrëfyer gjithashtu se Renato ishte shoqëruar në komisariat pak ditë para ngjarjes.
“Nuk ishim çift, thjeshtë jetonim në të njëjtën ndërtesë dhe unë i paguaja qera. Jam nënë e një vajzë 18-vjeçare. Jam dhunuar disa herë nga Renato sepse kishim konflikte kryesisht ekonomike. Renato ka dalë më parë nga banesa, unë dilja më vonë. Dëgjova krisma por nuk zbrita sepse mendova se ishin fishekzjarrë. Më pas zbrita dhe pash trupin e pajetë, ku më pas kam kërkuare dhe ndihmën e fqinjve”, ka rrëfyer bashkëjetuesja.
Ndërkohë fqinjët kanë pohuar se nuk kanë dëgjuar krisma edhe pse banesa e tyre ndodhet vetëm 100 metra larg vendit ku u gjet trupi i pajetë.
Pranë vendit ku është vrarë ka edhe kamera sigurie, të cilat janë marrë nga policia për tu këqyrur, ndërsa po ashtu është marrë në pyetje edhe një prej familjarëve të viktimës.
Discussion about this post