Mediat greke kanë rindërtuar në 3D skenën e vrasjes së Roan Brahimit dy ditë më parë në Athinë, ku dy veta zbresin nga motori dhe qëllojnë me breshëri plumbash ndaj 32-vjeçarit që ishte makinë duke parkuar pranë shtëpisë.
Mediat greke kanë ndërtuar në 3D skenën e vrasjes së Roan Brahimit dy ditë më parë në Athinë. Atentatorët i kishin rezervuar viktimës një vend parkimi me motorin e tyre pranë shtëpisë së tij.
Në momentin që ai po kthehej në banesë, ata janë larguar nga vendi i rezervuar i parkimit me motorin e tyre. Më pas janë rikthyer teksa 32-vjeçari kishte parkuar dhe ishte ende në makinë.
Sipas videos 3D, janë dy persona, njëri zbret nga motori dhe qëllon me breshëri ndaj Brahimit duke e lënë të vdekur. Atentatorët u larguan menjëherë nga vendngjarja me motorin e tyre.
Brahimi njihet si rival i Ervis Martinaj dhe dyshohet se ka gisht në vrasjen e Brilant Martinaj në korrik të vitit 2022.
Gjithashtu sipas mediave greke Brahimi kishte pak ditë që kishte ardhur në Greqi për pushimet e Pashkës, pasi jetonte në Dubai nga frika e një atentati. Ai kishte në Athinë një grua dhe një fëmijë, por bëhet me dije se në Shqipëri ai kishte një familje tjetër me një bashkëshorte dhe dy fëmijë.
Discussion about this post