Kanë kaluar 4 ditë nga vrasja e Petraq Gjikës në Fier, ndërsa shkaqet e kësaj ngjarjeje nuk janë ende të qarta.
Grupet hetimore nga prokuroria janë duke vijuar hetimet në vendin e ngjarjes. Burime në Prokurorinë e Rrethit Gjyqësor Fier thanë se shumë shpejt kjo ngjarje do të zbardhet dhe autori do të vihet para drejtësisë.
Po nga këto burime, është mësuar se po punohet duke përfshirë në zbardhjen e ngjarjes shumë persona që kanë dijeni mbi personin e vrarë Petraq Gjika, nga Grecallia e Fierit, rojen e ndjerë që u vra në mënyrë barbare pranë disa serave, buzë rrugës së fshatit.
Ngjarja ndodhi mëngjesin e 11 Qershorit, ndërsa Gjika ishte roje në disa serra në fshat ku u gjet i vdekur me disa goditje thikë mëngjesin e 11 qershorit. Dyshohet se personi që ka goditur Gjikën me thikë është larguar në këmbë nga vendi i ngjarjes, ndërsa nuk dihen motivet që mund ta kenë çuar atë drejt një ngjarjeje të tillë.
Nga burimet ka rezultuar se67-vjeçari ishte goditur me thikë edhe katër vite më parë në lokalin e fshatit teksa ishte duke pirë kafe aty. Dyshohet se këto ngjarje kanë të bëjnë apo me njëra-tjetrën.
Discussion about this post