Biznesmeni Ruzhdi Hoxha u qëllua me dy plumba një në qafë një në gjoks. Këto janë rezultatet e ekspertizës, pasi Hoxha u gjend i vrarë në Qafë Mollë pas malit të Dajtit.
Shkaqet e krimit janë ende te paqarta, pasi nuk është siguruar ende dëshmia e të dyshuarit kryesor, Fredi Rrushit. Burime për gijotina.com bëjnë me dije se, sot atij do t’i komunikohet akuza e vrasjes me paramendim, ndërsa të hënën 43 vjeçari Rrushi do merret ne pyetje nga oficerët e Krimeve të rënda
Dëshmitë e familjarëve të viktimës dhe miqve të tjerë të Hoxhës, shtojnë dyshimet se ai mund të ketë kryer vrasjen.
Burime për gijotina.com bëjnë me dije se Rrushi telefonoi mikun e tij Ruzhdi Hoxha 4 herë pasditen e 20 tetorit, por ky i fundit nuk i ishte përgjigjur. Pra telefonata e fundit që viktima ka bërë është me të dyshuarin Ferdinand Rrushi.
Po ashtu mësohet se më pas ai ka telefonuar një prej personave që ndodhej në tavoline me Rrushin dhe kontaktoi me të. Po ashtu sipas burimeve në orën 23:00 dyshohet se Rrushi ka marrë në makinë viktimën, në të cilën ishin edhe dy persona të tjerë. Por pas 15 minutash, këta dy persona kanë zbritur nga mjeti. Burime nga grupi hetimor bëjnë me dije se pas këtij momenti, Rrushi ka udhëtuar drejt Dajtit, dhe pas e ka vrarë mikun e tij e ka hedhur në greminë.
Megjithatë në xhupin e viktimës janë gjetur shenja të dhunës dhe të plumbit, prova që do të faktojnë përfundimisht dyshime e ngritura. Pas krimit të rëndë, autori i dyshuar ka zbritur nga Qafa e Mollës në orën 3:00 të mëngjesit, ndërsa ka hedhur edhe telefonin e viktimës. Më pas ai është kthyer prapë në të njëjtën rrugë në orën 06.00.
Discussion about this post