Ka mbërritur në gjykatën e Fierit, me pranga në duar dhe i shoqëruar nga forca të shumta policore , Elton Meta autori i ngjarjes ku mbeti e vrarë në 10 shtator të një viti më parë, 23- vjeçarja Sabrina Bengaj. Pas dy seancave joefektive, trupi gjykues shqyrton këtë 15 shtaror në themel vrasjen e Sabrinës.
Kujtojmë se seanca e parë nuk u zhvillua për shkak të mungesës së paraqitjes së të pandehurit ndërsa e dyta pas bojkotit të avokatëve.
Në gjykatën e Fierit ka mbërritur avokati i familjes së Sabrinës i shoqëruar nga familjarët e saj i cili për median është shprehur se burgimi i përjetshëm është i vetmi dënim për i mundshëm autorin e kësaj ngjarjeje. Edhe pse kundër dënimit me vdekje, Vishaj është shprehur se të gjitha provat e dënojnë maksimalisht Elton Metën.
Vrasja
Ngjarja e rëndë ka ndodhur më 10 shtator 2021 në fshatin Zhupan në familjen e Partizan Bengaj ku Elton Metaj ka shkuar në banesën e ish gruas se tij dhe pasi e ka nxjerrë jashtë shtëpisë e ka qëlluar për vdekje nga mbrapa me armë zjarri tip automatik. Pas vrasjes së ish gruas se tij ai është larguar nga vendi i ngjarjes ku është kapur nga policia pas tre orësh nga kryerja e krimit. Një mesazh në telefonin e Elton Metës ku shfaqej një foto e tij me një grua tjetër është bërë shkak i ndarjes së tij nga ish-gruaja Sabrina, të cilën e vrau në shtëpinë e prindërve. Nga hetimi ka rezultuar se Elton Metaj ka tradhtuar bashkëshorten. “Në telefonin e Elton Metës kanë mbërritur nga një telefon tjetër mesazhe të cilat përmbanin disa fotografi të këtij shtetasi me një femër. Këto mesazhe janë konstatuar nga Sabina dhe midis tyre kanë filluar debate të forta. Sabina më pas është larguar nga shtëpia duke marrë me vete vajzën e mitur. Eltoni ka shkuar në shtëpinë e prindërve të saj me armë me vete dhe kërkonte gruan. Por kjo e fundit ndodhej në Vlorë me vëllanë. Pasi nuk ka gjetur Sabrinën në shtëpi Eltoni ka kërcënuar familjarët e saj”, thuhet në vendimin e ndarjes së tyre.
Discussion about this post