Gjykata e Posaçme ka dënuar me 32 vite burg 2 të pandehurit në procesin për vrasjen e ish-policit Santiago Malko.
Vrasja ka ndodhur në gusht të vitit 2019-te në Tiranë.
GJKKO dënoi me 25 vite burg Ilir Selmanin. Ndërsa 7 vite burgim gjykata dënoi Elvis Gaçajn.
Si ndodhi vrasja
Vrasja e Santiago Malkos më 27 gusht 2019 ishte planifikuar nga një skuadër e përbërë nga 7 anëtarë, të cilët kanë qenë aktivë në terren, ndërsa dy persona të tjerë janë ata që kanë urdhëruar dhe paguar Fatmir Hysenin, “Doqen” e Vlorës për të hapur zjarr në drejtim të objektivit Malko.
Etja për të vrarë Santiago Malkon dhe për të mos i lënë asnjë mundësi shpëtimi këtij personi, ka qenë e madhe, kjo pasi shihet qartë dhe hapur mobilizimi i klanit “Duka”, në logjistikë, në burime njerëzore dhe burime financiare.
Për vrasjen janë shpallur po ashtu në kërkim ose arrestuar Leonard dhe Elis Duka, Xhoni Nica, Oltian Loka, Ilir Selmani, Aleksandër Maxhaku, Dritan Agaj ose “Gabeli”, Fatmir Hyseni ose “Doqja” dhe Bledar Teta.
Discussion about this post