Gjykata e Posaçme Kundër Krimit dhe Korrupsionit ka dënuar me 25 vite burg Blendi Tetën, i akuzuar për vrasjen e ish-policit Santiago Malko, ngjarje e ndodhur në gusht të vitit 2019.
Teta u gjet fajtor nga trupa gjykuese si pjesëmarrës në ekzekutimin e Malkos në rrugën “Xhanfize Keko” në Tiranë. Ai akuzohet për veprën penale të “Vrasjes së kryer paramendim“ në bashkëpunim në kuadër të “Grupit të Strukturuar kriminal”.
Për vrasjen e ish-efektivit akuzohen dhe disa persona të tjerë, të cilët janë shpallur në kërkim nga policia. Ata janë Leonard Dukën, Erlis Dukës, Ilir Selmanin, Oltian Logën, Fatmir Hysenin, Dritan Agajn, Aleksandër Manxhakun dhe Xhoni Nicën. Gjykata e Posaçme vitin e shkuar ka nisur hetim veç për Tetën, duke e ndarë çështjen nga 8 personat e tjerë.
Discussion about this post