Kanë dalë pamje të reja lidhur me vrasjen e dyfishtë që ndodhi në dhjetor të vitit 2022, ku Kreshnik Çerizaj dhe Armando Ogranaja u ekzekutuan për vdekje.
Në pamjet e reja që janë publikuar nga “neësit.gr”, fiksohen lëvizjet e “xhelatit” pak para vrasjes së dyfishtë. Burri i veshur me të zeza ka lëvizur nëpër rrugët e zonës dhe kur ka mbërritur në kafene , pasi ka ekzaminuar të dhënat në çdo detaj, ka lëvizur me shpejtësi dhe ka vrarë 44-vjeçarin që kishte marrë përsipër të vriste, por ka ekzekutuar edhe personin tjetër që ndodhej në tavolinë me të.
Vrasësi ka lëvizur mes tavolinave të jashtme të kafenesë dhe ka qëlluar 5 herë 44-vjeçarin shqiptar dhe bashkatdhetarin e tij 41-vjeçar, ndërkohë që të tjerët që ndodheshin në kafene dëgjuan të shtënat dhe nisën që të vraponin për të shpëtuar veten.
Për sa i përket hetimeve të autoriteteve policore, Policia greke pretendon se është afër zbulimit të identitetit të autorit. Madje besojnë se po ta kapin, do të mund të gjejnë edhe porositësin e vrasjes.
Shkak për ekzekutimin mendohet të jetë larja e hesapeve mes bandave të drogës. Kjo sepse 44-vjeçari i vrarë Armando Ogranaja kishte krijuar grupin e tij të trafikut të drogës, madje kishte “zgjeruar” punën dhe në ishullin Mykonos. Megjithatë, vizioni i tij për të zgjeruar biznesin nuk i ka pëlqyer kundërshtarëve të tij, të cilët kanë vendosur që ta eliminojnë.
Discussion about this post