Një paralajmërim u dha, por askush nuk e dëgjoi. “Edolio5” shkroi 2 ditë më parë për një “burim” që paralajmëronte një vrasje, atë më të paguarën ndonjëherë në Greqi. Dhe ndodhi dje, ashtu siç u paralajmërua, u vranë 2 nga emrat më të rëndësishëm të “botës së krimit” dhe “mbretërit” e jetës së natës; Armand Organja dhe 41-vjeçari Kreshnik Çerçizaj. Siç raportojnë mediat shqiptare, objektivi dyshohet se ka qenë Organja, kjo pasi është qëlluar në kokë.
Por çfarë u paralajmërua?
“Informacioni na vjen nga një njohës i thellë i realitetit të natës, i cili nga pozicioni i tij di detaje të asaj që të tjerët mësojnë sapo ndodhin ngjarjet. Personi që do vritej është tentuar edhe në të kaluarën, por kjo tentativë kishte rezultuar e pasuksesshme për “arsye teknike”. Por duket tani që porositësi i ri nuk i pranon gabimet e së shkuarës. Kjo sepse kontrata e vrasjes konsiderohet si një nga më të shtrenjtat që ka ekzistuar deri më sot, pasi viktima nuk “preket” për shkak të vrullit që ka marrë vitet e fundit,”-thoshte burimi.
41-vjeçari kishte një histori të rasteve me drogë dhe grabitje. Ai ishte njeriu që vdiq në vend para se ambulanca të arrinte dhe ta çonte në spital. Sa i përket viktimës së dytë, ai ka marrë plumba nga afër në stomak dhe gjoks, si pasojë ka humbur shumë gjak dhe me gjithë përpjekjet e mjekëve nuk ia ka dalë.
Për të gjetur vrasësin është e vështirë pasi rrugët ishin plot për shkak të finales së Kupës së Botës, megjithatë autori nuk kishte frikë se mund të bllokohej.
Sipas informacioneve të edolio5, Armando Organja në 5 muajt e fundit, përveç autonomisë që kishte për punën e tij, “punonte”edhe si mbledhës parash për dyqanet e Smirnës së Re për përfitimin e një manjati grek, i cili është vënë në shënjestër të mafias shqiptare për të kontrolluar plotësisht krimin e organizuar në Greqi. Goditja e njërit prej 2 mbledhësve të parave ishte thelbi i sulmit, që autori e ka kryer me përpikëmëri.
Νέα Σμύρνη πριν. Μέσα σε κόσμο. Πάμε πολύ πολύ καλά #νεασμυρνη pic.twitter.com/NOWRMfC1wD
— island (@islandlayer13) December 18, 2022
Discussion about this post