Vrasja e shqiptarëve që përgjaku Athinën, publikohen pamje të reja nga ngjarja (VIDEO)

1 muaj më parë

Mediat greke kanë publikuar pamje të reja nga ngjarja e rëndë që ndodhi mbrëmjen e djeshme në rajonin e Atikës në Athinë, ku protagonist u bënë dy grupe shqiptarësh, të cilët i morën jetën njëri-tjetrit në një betejë me armë zjarri.

Video e publikuar rishtazi është realizuar nga banorë të pallateve pranë rrugës ku ndodhi sulmi me armë dhe aty dëgjohen fëmijë duke qarë dhe prindërit të shqetësuar.

Ndërkohë, janë zbardhur edhe dëshmitë e banorëve që ishin të pranishëm në vendin e ngjarjes. ata janë shprehur për mediat se në fillim menduan që kishin të bënin me shpërthime fishekzjarresh, ndërsa më pas kanë parë efektivët te plagosur.

“Ishim ulur jashtë dhe papritmas dëgjuam të shtëna armësh. Në fillim menduam se ishte fishekzjarre. Më pas kuptuam se çfarë ndodhi. Ne pamë një oficer policie që po çalonte dhe një tjetër që ishte i shtrirë në tokë. Kishim frikë. Disa thonë se ka grabitur një dyqan dhe teksa po kalonin policët, hapi zjarr ndaj tyre”, thotë një dëshmitar okular.

Ora 18:21

Vrasja e shqiptarëve në Greqi, dëshmitarët: Pamë burrin e shëndoshë me… (VIDEO)

Pak pas orës 21:30 të së shtunës mbrëma në lagjen “Kato Patisia” të Athinës ndodhi përleshja me armë midis dy grupeve shqiptare, ku të përfshirë ishin 7 persona, prej të cilëve 3 mbetën të vdekur nga të shtënat që terrorizuan kryeqytetin grek.

Përveç tre shqiptarëve të mbetur të vdekur edhe dy policë grekë janë të shtruar në spital jashtë rrezikut për jetën në Athinë, pasi u qëlluan me armë nga 48-vjeçari shqiptar që tentoi arratisjen.

Ndërkohë në zonat ku ndodhën përplasjet me armë zjarri mëngjesin e së dielës është vënë re sipas mediave greke një qetësi e pa hasur më parë, ndërsa dëshmitarët kanë rrëfyer edhe momentet e panikut.

“Na ka zënë paniku. Dëgjuam shumë zhurmë, dolëm në ballkon dhe zbrita për të parë se çfarë po ndodhte. Hapa me kujdes derën poshtë dhe pashë një djalë të shëndoshë me këmishë të verdhë me pistoletë në dorë por nuk munda të vazhdoja më tej sepse kisha frikë”.

Dëshmitari okular në skenën ku “Mercedesi” shtypi për vdekje 23-vjeçarin shqiptar pas përplasjes së dy grupeve ma armë rrëfen më tej: “Më pas disa shokë e futën në makinë dhe u larguan. Në rrugicën pranë ku banoj, pamë një djalë që e kishin tërhequr zvarrë dhe thanë se dikush i kaloi sipër me makinë dhe e shkeli. E pamë të gjakosur”.

Sa i përket vendngjarjes nga fotografitë dhe videot e publikuara nga mediat greke mund të shohësh rrugicën në të cilën ende s’është larguar gjaku i të viktimave. Ndërkohë në të tjera imazhe shihet një armë e tipit pistoletë e rrëzuar përtokë, madje edhe trupat e viktimave, ndërsa xhamat e disa prej bizneseve përreth janë të thyera.

“Lidhur me një ngjarje të ndodhur ditën e djeshme në Patisia, ku si pasojë kanë mbetur të plagosur për vdekje 3 të huaj (48, 46 dhe 23 vjeç), një i huaj (43 vjeç) u arrestua dhe 2 efektivë policie po trajtohen për plagosje në GSNA.

Mbrëmjen e djeshme në zonën e Patisias, një i huaj 48-vjeçar duke drejtuar një makinë, me pasagjer një të huaj 43-vjeçar, ka qëlluar mbi një grup të huajsh, duke tërhequr më pas zvarrë njërin prej tyre (23 vjeç). Është tërhequr zvarrë 23-vjeçari, ndërsa 48-vjeçari është arratisur në këmbë dhe nën kërcënimin e armës, i ka marrë një makinë shoferit që kalonte dhe është nisur drejt zonës së Akarnit.

Më pas, ai ka hyrë në një dyqan të kujdesit shëndetësor dhe i ka marrë me armë pronarit një shumë parash. Duke dalë nga dyqani, ai është pikasur nga oficerët e policisë, të cilët kanë tentuar ta kontrollojnë.

48-vjeçari në sy të policëve ka qëlluar drejt tyre duke plagosur njërin në gjoks dhe këmbë dhe të dytin në këmbë. Në këtë kuadër, policia i është kundërpërgjigjur zjarrit duke e plagosur për vdekje. Deri më tani janë sekuestruar dy pistoleta, 3 vetura dhe një motoçikletë dhe pesë persona të tjerë janë arrestuar dhe po merren në pyetje. Hetimet janë në vazhdim dhe pas përfundimit do të ketë një përditësim. Një hetim paraprak po kryhet nga Drejtoria e Sigurimit të Atikës”.

 

Ora 18:19

Me rekorde kriminale në Greqi, publikohet fotoja e Gëzimit që u vra në Athinë

Mediat greke kanë publikuar foton e një tjetër shqiptari që mbeti i vrarë në Athinë si pasojë e përplasjes mes dy bandave rivale. Bëhet fjalë për Gëzim A, 46 vjeç që sipas mediave greke ka qenë në fakt edhe personi më problematik në këtë histori. Autoritetet kanë bërë me dije se ai kishte më shumë precedent penalë nga të gjithë shqiptarët që terrorizuan kryeqytetin grek.

Vrasja

Një takim mes dy bandave shqiptare përgjaku rrugët e Athinës. Adil Tefa, Jani T, Gëzim A., janë tre shqiptarët që mbetën të vrarë si pasojë e përplasjes me armë. Ngjarja ka nisur fillimisht në rrugën “Krotidou” ne lagjen “Kato Patisia” ku personat e ndodhur në një automjet “Mercedes- Benz” kanë hapur zjarr ndaj drejtuesit të një motorri, duke e vrarë këtë të fundit. Pas motorit ndodhej një automjet tip “Audi”, brenda të cilit ndodheshin dy persona. Një prej tyre, babai i të riut që ndodhej në motor ka hapur zjarr ndaj makinës “Mercedes-Benz” duke lënë të vdekur atentatorin e djalit. Nga mjeti “Audi” ka dalë pasagjeri dhe në tentativë për t’u larguar me vrap për t’u fshehur është goditur nga mjeti “Mercedes Benz”. Shofere në të ishte ish-e dashura e tij.

Ndërsa Adil Tefa, pasagjer në automjetin tip “Mercedes-Benz” ka dalë nga mjeti dhe me kërcenimin e një arme ka ndaluar një mjet në rrugë duke e grabitur e më pas ka ikur me të. Ai është drejtuar për në lagjen “Agion Anargiron” ku tentoi të grabisë një karburant dhe një market. Ai ka dalë në rrugë dhe është ndaluar nga një patrulle policie për kontroll, por i ka kundërshtuar. Tefa që qëlluar dy efektiët me armë dhe i ka lënë të plagosur. Policët janë kundërpërgjigjur dhe kanë vrarë shqiptarin. Në pranga për ngjarjes është një tjetër shqiptar dhe drejtuesja e “Mercedes Benz”, që rezulton të jetë dënuar për prostitucion. Efektivët janë në spital.

Ora 17:23

Atentati ndaj dy shqiptarëve në Greqi, ja si viktima përdori dy identitete për t’u fshehur

Far West-i mes shqiptarëve në Athinë që la tre të vrarë e dy të plagosur ka sjellë dhe publikimin e të dhënave mjaft kontradiktore në media. Shqiptari i vrarë nga policia greke pasi plagosu dy efektivë fillimisht u identifikua si Adil Tefa, me origjinë nga Korça. Emri i tij doli nga mediat shqiptare, ndërsa ato greke i qëndrojnë besnike një identiteti të dytë që mendohet se përdorte 48-vjçari shqiptar në Athinë, Armando V.. por, për të është raportuar edhe për një tjetër identitet nga mediat shqiptare, Andon Tefi.

Për dy shqiptarët e tjerë që mbetën gjithashtu të vrarë në përplasjen me armë ka gjithashtu dy versione. Mediat shqiptare raportuan fillimisht se bëhej fjalë për të identifikuarit si Jani T., dhe Gëzim A.. Më vonë u raportua se një nga prej dy viktimave të tjera quhej Armando Yzeiraj, por nuk dihet nëse fjala është për Janin apo Gëzimin. Gjithsesi, identitetet e shqiptarëve apo detaje të tjera mund të bëhen më të qarta me raportime në vijim.

Kujtojmë se, një takim mes dy bandave shqiptare përgjaku rrugët e Athinës. Adil Tefa, Jani T, Gëzim A., janë tre shqiptarët që mbetën të vrarë si pasojë e përplasjes me armë. Ngjarja ka nisur fillimisht në rrugën “Krotidou” ne lagjen “Kato Patisia” ku personat e ndodhur në një automjet “Mercedes- Benz” kanë hapur zjarr ndaj drejtuesit të një motori, duke e vrarë këtë të fundit. Pas motorit ndodhej një automjet tip “Audi”, brenda të cilit ndodheshin dy persona. Një prej tyre, babai i të riut që ndodhej në motor ka hapur zjarr ndaj makinës “Mercedes-Benz” duke lënë të vdekur atentatorin e djalit. Nga mjeti “Audi” ka dalë pasagjeri dhe në tentativë për t’u larguar me vrap për t’u fshehur është goditur nga mjeti “Mercedes Benz”. Shofere në të ishte ish-e dashura e tij.

Ndërsa Adil Tefa, pasagjer në automjetin tip “Mercedes-Benz” ka dalë nga mjeti dhe me kërcënimin e një arme ka ndaluar një mjet në rrugë duke e grabitur e më pas ka ikur me të. Ai është drejtuar për në lagjen “Agion Anargiron” ku tentoi të grabisë një karburant dhe një market. Ai ka dalë në rrugë dhe është ndaluar nga një patrulle policie për kontroll, por i ka kundërshtuar. Tefa që qëlluar dy efektivët me armë dhe i ka lënë të plagosur. Policët janë kundërpërgjigjur dhe kanë vrarë shqiptarin. Në pranga për ngjarjes është një tjetër shqiptar dhe drejtuesja e “Mercedes Benz”, që rezulton të jetë dënuar për prostitucion. Efektivët janë në spital.

Ora 16:06

Vrasja e tre shqiptarëve në Greqi, zbulohet roli i gruas që u arrestua

Policia greke ka dalë në deklaratë zyrtare në lidhje me përplasjen mes bandave që ndodhi mbrëmjen e kaluar në Athinë, ku mbetën të vdekur 3 shtetas shqiptar, ndërkohë që përplasja dyshohet se ka shkak konfliktet për drogën.

Në njoftimin zyrtar të policisë greke thuhet se të vdekurit janë një 48-vjeçar, një 46-vjeçar dhe një 23-vjeçar, të 3 shqiptarë. Deri më tani janë sekuestruar dy pistoleta, tre makina dhe një motoçikletë, një 43-vjeçare është arrestuar dhe pesë persona të tjerë po merren në pyetje.

Sipas policisë greke, mbrëmjen e djeshme në zonën e Patisias, një shtetas 48-vjeçar duke drejtuar një makinë, me pasagjere një shtetase 43-vjeçare, ka qëlluar me armë në drejtim të një grupi personash duke goditur me makinë edhe njërin prej tyre, 23 vjeç.

Më pas shtetasja 43-vjeçare ka marre drejtimin e mjetit duke goditur sërish 23-vjeçarin, ndërsa 48-vjeçari është arratisur në këmbë dhe nën kërcënimin e armës, i ka marrë makinën një personi që kalonte aty dhe është nisur drejt zonës së Axarnin.

Më pas autori ka kryer një grabitje me armë në një pikë karburanti, në Avenue Dimokratis. Duke dalë nga dyqani, ai është pikasur nga oficerët e policisë, të cilët kanë tentuar ta kontrollojnë. 48-vjeçari ka qëlluar drejt tyre duke plagosur njërin në gjoks dhe këmbë dhe të dytin në këmbë. Në këtë kuadër, policia i është kundërpërgjigjur zjarrit duke e qëlluar për vdekje.

Kujtojmë se, 3 persona mbetën të vdekur dhe 3 të tjerë u plagosën, dy prej të cilëve efektivë policie, në dy përleshje me armë zjarri në Kato Patisia dhe Agioi Anargyrou, që dyshohet se kishte protagonistë kriminelë shqiptarë në Athinë. Dy ngjarjet e përgjakshme ishin të lidhura me njëra-tjetrën. Jani T. dhe Gëzim A., të cilët ishin arrestuar në muajin maj për trafik droge. Ndërsa viktima e tretë është Adil Tafa.

Gjithçka nisi mëngjesin e të shtunës ku dy anëtarë të dy bandave shqiptare, u takuan në rrugën Kourtidou, në Kato Patisia, për të zgjidhur mosmarrëveshjet e tyre personale. Megjithatë, atmosfera nuk vonoi të përkeqësohej dhe shumë shpejt ata u përleshën me njëri-tjetrin.

Episodi i parë ndodhi pas orës 21:30, në kryqëzimin e rrugëve Georgiou Nazou dhe Kourtidou, në Kato Patisia, ku ka pasur një sherr mes shtatë personave. Një Mercedes-Benz me një drejtuese një femër dhe dy pasagjerë të tjerë, i janë afruar dhe kanë qëlluar një të ri i cili ishte me motor, duke e lënë të plagosur rëndë.

Motoçikleta ndiqej nga babai i viktimës, me një makinë tip Audi, në të cilën udhëtonin dy persona të tjerë. Babai, në shenjë hakmarrje, ka qëlluar autorin e plagosjes së të birit duke e lënë të vdekur.

Nga mjeti “Audi” ka dalë pasagjeri dhe në tentativë për t’u larguar me vrap për t’u fshehur, nga plumbat, është goditur nga një automjet në lëvizje duke mbetur i plagosur, por që më pas ka ndërruar jetë në spital. Sipas mjekëve kishte marrë edhe plagë me armë zjarri.

Një tjetër person ndërkohë ka dalë nga automjeti tip “Mercedes-Benz” dhe për t’i shpëtuar përplasjes së përgjakshme, me kërcënimin e një arme ka ndaluar një mjet në rrugë duke e grabitur e më pas ka ikur me të. Ai është drejtuar për në lagjen “Agion Anargiron” ku burimet flasin se ka tentuar të grabisë një karburant dhe një market.

Më pas ka dalë në rrugë dhe ka ndaluar një patrullë policie duke e menduar për taxi. Sapo ka parë policët ka hapur zjarr ndaj tyre duke plagosur njërin në këmbë dhe njëri në shpatull, ndërkohë që edhe policët janë kundërpërgjigjur duke e vrarë shqiptarin.

Mësohet se dy nga 3 shqiptarët e vrarë, të cilët rezultojnë shokë me njeri-tjetrin pasi të dy ndodheshin në automjetin “Mercedes-Benz”, rezultojnë të arrestuar për çështje droge në maj të vitit të kaluar në Athinë. Ndërkohë është arrestuar një femër, 43-vjeçare.

Pas masakrës fshihet çmontimi i një bande të trafikut të drogës majin e kaluar, anëtarë të së cilës ishin dy nga shqiptarët e vrarë, për të larë hesapet.  Ata kishin qenë pjesë e të njëjtit grup për trafikun e drogës, por mes tyre kishin nisur mosmarrëveshjet për pazare droge.

 

Të ngjashme