Vrasja e shqiptarit në Athinë, publikohen pamjet nga vendi i ngjarjes, viktima i shtrirë në tokë

Një ngjarje e rëndë është regjistruar ditën e sotme në Athinë ku humbi jetën një 45-vjeçar shqiptar.

Viktimë e atentatit mbeti Irakli Davella dhe u plagos rëndë Edi Lolo. Ndërkohë mediat greke kanë publikuar pamje nga vendi i ngjarjes. Në foto duket edhe trupi i pajetë i Devallas i cili është mbuluar me gjak.

Ngjarja e rëndë dyshohet se ka ndodhur për larje hesapesh. Me tej bëhet me dije se Edi Lolo kishte mbërritur në Greqi nga Dubai pak ditë më parë. Sipas Protothema, viktima 45-vjeç, nuk ishte një emër i panjohur, pasi kishte lidhje me persona të mafias greke që ishin vënë në shënjestër të autoriteteve.

Davella ishte shtetas grek, me origjinë shqiptare, pronar i një lokali në Peristeri. Gjithashtu rezulton të ketë qenë miku i 3 personazheve të tjerë të ekzekutuar në Greqi vitet e fundit, konkretisht mafiozëve grekë Manolis Karagiannis, Vasili Griva dhe Giorgo Litsa.

Autorët e sulmit ishin në një makinë që ishte vjedhur më herët ditën e sotme. Vrasja e sotme ndodhi jashtë ambienteve të lokali në kryqëzimin e rrugëve Aristotelous dhe Komotinit. Autorët e maskuar kanë qëlluar në drejtim të shqiptarëve dhe Davella ka marrë një plumb në kokë, i cili ka qenë fatal. Ndërkohë Lolo dyshohet se është plagosur në kokë dhe në bark. Grupi hetimor ndodhet në vendngjarje dhe po heton vrasjen e po punon për identifikimin dhe kapjen e autorëve.