Zbardhet e shkuara kriminale e shqiptarit 39-vjeçar, Keli Halili i cili dy ditë më parë u ekzekutua në qendër të Athinës. Sipas hetimeve në dosjen e të riut, janë një sërë veprimtari kriminale mes të cilave zotërimi i tridhjetë bordellove në rrugën Iasonos, në qendër të Athinës.
Madje për këto në vitin 2017 ka pasur dhe një hetim, pasi dyshohej se mbroheshin nga zyrtarë të lartë të policisë greke. Pistë tjetër që po hetohet është edhe përfshirja e Halilit në trafikun e drogës. Madje policia greke ka nxjerrë nga arkiva edhe një dosje të 11 viteve me parë, kur mjetit të 39-vjecarit nga Tepelena i ishte vendosur lëndë eksplozive. Emri i Halilit rezulton në një dosje hetimore të 20 Marsit 2012 të policisë së Omonias ku flitet për një grup kriminal shqiptar që zotëronin rreth 30 shtëpi publike në rrugën “Iasonos”, në qendër të Athinës, madje disave prej tyre u ishte vende zjarri. Ky grup përfitonte nga 60 euro për shtëpi, pra 1800 euro ne dite. Në total fitimet llogariteshin në 600.000 euro.
Hetuesit i tremben faktit se kjo vrasje mund të hapë një cikël ekzekutimesh midis anëtarëve të krimit të organizuar dhe veprimeve hakmarrëse, veçanërisht midis të huajve.
