I dyshuari për vrasjen e 28-vjeçarit shqiptar, Ilir S. në Diksmuide në Flanders Perëndimore është vjehrri i tij.
Mediat belge shkruajnë se Stephane V. (54) është vënë në pranga herët në mëngjes pas vrasjes. Ai mohon të ketë qëlluar mbi babanë e nipit të tij, por hetuesit mendojnë ndryshe. I dyshuari është sjellë para gjykatës hetuese pasditen e djeshme dhe është arrestuar.
“Tani duam një analizë të gjurmëve të barutit sa më shpejt të jetë e mundur”, tha avokati i tij Bram Elyn.
“Ne nuk kemi shkuar mirë, por nuk e kam vrarë unë”, ka deklaruar i dyshuari.
Shqiptari u vra me të paktën gjashtë plumba teksa ishte duke qëndruar pranë motoçikletës së tij. Pavarësisht se iu dha ndihma mjekësore në kohë, i riu nuk mundi t’u mbijetonte plagëve të marra. Ai la pas gruan dhe një fëmijë.
Discussion about this post