Një shqiptar u ekzekutua me armë zjarri mbrëmjen e sotme në rrugën Atlantos 44 në lagjen Palio Faliro.
Sipas raportimeve, viktima u qëllua pranë banesës së tij, ndërsa dyshimet e para lidhen me të shkuarën e 56 vjeçarit.
Viktima është identifikuar si Thimi Droboniku ose Thimi Roland Prifti i datëlindjes 18.1.1967 nga Berati, i cili është qëlluar me dy plumba të kalibrit 9mm.
Nga hetimet paraprake rezulton se krimi është kryer nga një person me motor, i cili pasi ka ekzekutuar 56 vjeçarin është larguar nga vendi i ngjarjes. Dyshohet se autori e ka pritur viktimën, ose ka lënë takim me të, dhe sapo ai është shfaqur e ka qëlluar duke i shkaktuar dy plagë, në gjoks dhe kokë.
Mediat greke shkruajnë se viktima dyshohet se ishte pjesë e një bande që merrej me trafik droge, cigare kontrabandë dhe falsifikime. Madje ai ishte dënuar si i përfshirë në paligjshmëri.
Discussion about this post