Hetuesit italianë po analizojnë numrat e telefonit të 49-vjeçarit shqiptar Petrit Caka, i cili u gjet i pajetë në banesën e tij në komunën Rocca Priora, në Romë.
Mësohet se kontaktet e tij do të mund të ‘rindërtojnë’ lëvizjet e fundit të Cakës dhe të mund të hedhin dritë mbi ngjarjen e rëndë që ndodhu vetëm një ditë më parë.
Mediat italiane shkruajnë se autorët e kanë pritur në hyrje të shtëpisë, ku po kthehej pasi kishte dërguar fëmijët në shkollë. Por, nga hetimet nuk janë konstatuar shenja të hyrjes me forcë në shtëpi.
Fqinjët, nga ana tjetër, e përshkruajnë shqiptarin si një baba model.
“Një burrë i ndershëm dhe një baba model,”- thonë ata.
Për momentin po hetohet për ndonjë borxh të mundshëm.
Discussion about this post