Ditën e djeshme, dy të shtëna i morën jetën 37-vjeçarit shqiptar, Beni Arshiaj në oborrin e banesës së tij në Pisa të Italisë, ku jetonte së bashku me gruan dhe dy fëmijët e tyre të mitur.
Autori ishte fshehur në pjesën e pasme të shtëpisë dhe i ka bërë pritë 37-vjeçarit, duke pritur deri në momentin që ai ka mbërritur në oborr me furgonin e tij.
Nga hetimet, rezulton se vrasësi iu është afruar tek xhami i mjetit Beni Arshiaj, i cili punonte si murator dhe kopshtar në Itali, dhe e ka qëlluar për vdekje, raportuan mediat italiane.
37-vjeçari nuk ka pasur kohë të reagonte, përveçse të tentonte të largohej në sedijen e pasagjerit, por përpjekja ishte e kotë.
Discussion about this post