Vrasja e 29-vjeçarit Ramazan Sino në orët e para të mëngjesit të së martës, ka tronditur fshatin Larushk në Fushë-Krujë.
i riu ndodhej në makinë me dy nipërit e tij të mitur, të cilët mbetën po ashtu të plagosur, ndërsa dyshohet se shënjestra e këtij atentati ka qenë kunati i 29-vjeçarit, Gentjan Bejtja.
Ky i fundit një emër i njohur i botës së krimit, i cili për rreth një viti jetonte jashtë Shqipërisë, ku dhe fshihej. Sipas gazetares Glidona Daci, dyshohet se ditët e fundit shënjestra është futur në mënyrë ilegale në Shqipëri për të takuar familjarët.
Në emisionin “Open”, Daci deklaron se para se makina e 29-vjeçarit të nisej nga lokali ku kishin darkuar, është vëzhguar dhe më pas është sinjalizuar kur është nisur drejt shtëpisë. Ka dyshime të forta se në automjet ndodhej edhe Gentjan Bejtja, por gjatë rrugës në një segment të caktuar ka zbritur.
Detaj për të cilin dyshohet se autorët që kanë bërë pritë pranë banesës, nuk janë informuar dhe kanë menduar se ai ndodhej në mjet.
“Të dy fëmijët janë në gjendje të stabilizuar. Gentjan Bejtja i cili prej më shumë se në vit rezulton të jetë jashtë Shqipërisë, dhe ka kërkuar në dy vende azil dhe ishte zhvendosur në Holandë aktualisht, dyshohet se ka mbërritur ilegalisht në Shqipëri për të takuar familjarët.
Kur kanë hipur në mjet, ata kanë qenë në lokal dhe ka dyshime se dikush i ka vëzhguar dhe kanë dhënë sinjal autorëve në afërsi të banesës, që po shkonin drejt banesës. Thuhet që në mjet ka qenë Bejtja, por ka zbritur në një segment të rrugës.
Në një nga dëshmitë dikush u pohon se Bejtja ka hipur në mjet dhe ka zbritur. Autorët që kanë shkuar në këmbë në pikën që kanë qëlluar, nuk e kanë pasur informacionin që ai ka zbritur. Sepse mjeti që ka lëvizur Ramazan Sina bashkë me dy fëmijët e motrës nuk e kanë ndjekur.
Ka dyshime se një natë më parë Bejtja ka qenë në banesë. Ka dyshime që edhe personat që mund të kenë kryer atentatin të jenë nga ajo zonë, sepse kanë lëvizur në kohë rekord dhe janë larguar pa u vënë re”, u shpreh Daci në Neës24.
Discussion about this post