Shtetasi Dibran Hoxhaj, i njohur në rrjetet sociale si “Kobra” është deklaruar i pafajshëm për rastin ku ai dhe katër persona të tjerë akuzohet për vrasjen e të riut nga Kukësi më 3 janar të viti 2023.
Sapo ka nisur shqyrtimi në Gjykata, “Kobra” është përjashtuar nga salla e gjyqit, pasi ka prishur rendin.
Ai i është drejtuar me zë të lartë njërit nga të akuzuarit e tjerë dhe është ngritur në këmbë.
Pas kthimit në seancë, kryetari i trupit gjykes Kujtim Krasniqi i kërkoi që të jetë i sjellshëm në seancë.
Edhe të akuzuarit e tjerë në këtë rast Roland Susuri, Arben Vezaj, Burim Mazreku dhe Jesmir Badalli janë deklaruar të pafajshëm.
Discussion about this post