Të tjera detaje janë zbardhur lidhur me vrasjen e Nikolin Lekstakajt, 42-vjeçarit që u ekzekutua në Balldre të Lezhës, sapo doli nga një market i zonës.
Sipas News24, e cila i referohet një dëshmitari ocular, viktima u qëllua me 3 plumba, nga një automjet Benz, me ngjyrë të errët, modeli i vjetër.
Dëshmitari thotë se autorët janë larguar me shpëjtësi nga vendi i ngjarjes, ndërsa pohohet se marketi ky viktima kishte blerë një pije freskuese ka kamera sigurie, të cilat janë sekuestruar nga Policia.
Ndërkohë një tjetër detaj është zbardhur lidhur me ngjarjen e rëndë. Viktima pak para ekzekutimit është takuar me vëllain e tij, të cilit i ka marrë makinën, duke udhëtuar nga banesa deri te marketi, një distancë shumë e afërt rreth 300-400 metra.
Vëllai i Nikolin Lekstakajt, sipas News24, gjatë ditës së sotme ka qenë në Tiranë, për arsye të një problem shëndetësor dhe kur është kthyer në banesë, 42-vjeçari ka marrë makinën e të vëllait.
Kjo ngre dyshimet se ndoshta autorët e krimit, ose bashkëpunëtorë të tyre, gjatë ditës së sotme nuk kanë ndjekur 42-vjeçarin, por vëllain e tij, në lëvizjet që ai ka pasur. Dhe nisur nga ky moment lindin dyshimet nëse objektiv i atentatit ka qenë “Toli” apo vëllai i tij, i cili ishte ndër të parët që ka mbërritur në vendin e ngjarjes.
Në dëshminë e siguruar nga Neës24, vëllai i viktimës ka rrëfyer momentet e fundit, kur i vëllai i ka marrë automjetin dhe brenda pak minutash janë dëgjuar krismat.
Viktima e atentatit të sotëm kishte një vajzë të mitur për të cilën kujdesej, ndërsa nuk lëvizte shpesh, veçanërisht pas ngjarjes së ndodhur në 19 prill kur në lokalin e tij u ekzekutua biznesmeni Ardian Nikulaj.
Ndërkohë RENEA dhe FNSH prej disa orësh po kryejnë kontrolle në zonë. Nga raportimet mësohet se ndër banesat e para që janë kontrolluar nga forcat special ishte ajo e fisit Nikulaj, pasi dyshimet janë se ekzekutimi i sotëm i “ToliT’ lidhet me një gjakmarrje të nisur mes dy fiseve që prej 26 vitesh. Raportohet se disa persona janë shoqëruar nga policia, të cilëve u janë marrë dëshmitë, ndërkohë që vijojnë hetimet për zbardhjen e ngjarjes.
Discussion about this post