Dy autorët e vrasjes makabër të 46- vjeçarit Altin Alikaj më 19 shkurt në Vlorë, janë përballur sot me masën e sigurisë në gjykatën e Vlorës. Shazi Ahmetaj dhe bashkëpunëtori i tij Mateo Kiptiu janë lënë në burg. Ky i fundit dyshohet se e ka ndihmuar autorin e dyshuar të largohet nga vendi i ngjarjes pas krimit.
Siç ka raportuar më herët gijotina.com viktima dhe autori i dyshuar kishin njohje me njëri tjetrin. Një nga pistat e hetimit është konflikti për përdorimin e lëndëve narkotike pasi viktima ishte përdorues ndërsa 23-vjeçari Ahmetaj njihet si person me precedentë më fushën e trafikimit. Gjatë kontrollit në banesën e Ahmetajt policia gjeti një sasi prej 40 gramë heroinë. Një tjetër pistë hetimi është ajo e grabitjes, pasi Alikaj kohët e fundit kishte pasur në duar shuma të konsiderueshme parash.
Alikaj u vra paraditen e 19 shkurtit dhe trupi i pajetë i tij u la në shtëpinë e braktisur ku jetonte më të ëmën, por kjo e fundit ndodhej në Greqi. Ai u shpall i zhdukur pas denoncimit në polici nga kushëriri i tij. Por ishte nëna ajo që e gjeti të pajetë në banesën e tyre sapo u kthye nga shteti fqinj. Dyshohet se ai ishte qëlluar me armë në shpatull dhe është goditur e me sëpatë në kokë. Pranë trupit të pajetë u gjet dhe sëpata me gjak. Mësohet se para krimit autori kishte helmuar qenin e viktimës dhe kishte ulur automatin e energjisë. 46 vjeçari, Alikaj jetonte vetëm në lagjen 24 maji. Ai njihej si përdorues droge por pa precedentë penal.
Discussion about this post