Protestat lidhur me vrasjen në Fier të të miturit Mateo Vllasiu vazhdojnë. Këtë herë dhjetëra të rinj kanë dalë në sheshin Gjirokastër me pankarta në duar duke kërkuar drejtësi për Mateon.
Të rinjtë e moshatarë të Mateos viktima e pafajshme, kërkojnë rikthimin e dënimit me vdekje. Ata shprehen se duhet të mblidhen firma në të gjithë vendin duke kërkuar drejtësi për 8-vjeçarin Mateo Vllasiu.
“ Të bëjmë atë që është më e mira për të gjithë ne, ndoshta dënim me vdekje, ndoshta dënim me burg përjetë. Merrni përsipër peticione për të mbështetur familjen e Mateos dhe për të vendosur rregulla në shtetin tonë për të parandaluar këto ngjarje. Në 24 orët e fundit kemi patur 4 raste të përdhunimit të fëmijëve. Ju bëj thirrje të na bashkoheni për peticionin dhe për të marrë firmat që të arrijmë aty ku familja e Mateos do të donte”-shprehet një protestuese.
“Për Mateon, denonconi vrasësit, denonconi çdo padrejtësi”-shkruhet në pankartat e të rinjve. Kujtojmë se qindra qytetarë po firmosin një peticion që kërkon dënim me vdekje për një vrasës, Klodian Çalamanin.
Kujtojmë se ngjarja e rëndë që tronditi mbarë opinionin p[ublik dhe jo vetëm, ndodhi paraditen e zezë të 16 nëntorit.
8-vjeçari Mateo Vasiu u vra dhe u gropos nga Klodian Çalamani më 16 nëntor, në një fshat të Fierit. Autori, ka qenë i dënuar më herët për pengmarrje.
Discussion about this post