Rreth 40 plumba u shkrehën drejt mjetit tip “Audi 7 “ me të cilën po udhëtonin dy të rinjtë me të shkuar kriminale, Erigers Mihasi dhe Armando Dumani.
Ekspertiza zbuloi se atentatorët kanë goditur 40 herë ndaj 32-vjeçarit dhe 26-vjeçarit. 13 plumba të automatikut goditën Mihasin ku kanë rezultuar fatale dy plagët në qafë.
Viktima tjetër, Dumani u godit me 4 plumba.
Ekzekutimi i dyfishtë u shënua në 13 nëntor duke rikthyer atentatet mafioze. Pista kryesore ku po hetohet ngjarja janë larje hesapesh për përfshirje në banda të rrezikshme kriminale. Mendohet se në këtë atentat kanë marrë pjesë më shumë se dy persona: dy atentatorët dhe shoferi. Pas krimit, u gjet në Thumanë një automjet i djegur, ku brenda makinës ishin futur dhe dy kallashnikovë.
Erigers Mihasi u vra vetëm 24 orë pasi ishte kthyer nga Gjermania.
Discussion about this post