Arjan Hoxha, ish-Drejtor i Përgjithshëm i Burgjeve, ka komentuar ngjarjen e rëndë që ndodhi pasditen e sotme në burgun e sigurisë së lartë në Pqein, ku Sokol Mjacaj ekzekutoi me armë zjarri, Arben Lleshin, i dënuar me burgim të përjetshëm.
Ai u shpreh se përtej humbjes së jetës, ngjarja është tepër e rëndë për faktin se një armë ka hyrë në ambientet e burgut të sigurisë së lartë në Peqin.
Sipas tij, pista se arma ka rënë në dorën e Sokol Mjacës përmes një droni është e vështirë, duke theksuar se për futjen e një arme brenda burgut duhet ndihma ose bashkëpunimi i një punonjësi të brendshëm ose dhe më shumë.
I dënuari me burgim të përjetshëm, Sokol Mjacaj, qëlloi me armë zjarri nga dritarja e derës së qelisë, Arben Lleshin, po ashtu i dënuar me burgim të përjetshëm, ndërsa plumbat plagosën edhe Indrit Shaqen, i cili ndante qelinë me viktimën.
Një nga pistat e hetimit është se krimi ishte një porosi e kryer nga jashtë për hakmarrje ndaj Lleshit.
Discussion about this post