Merret vendimi për të dyshuarit e masakrës së Gllogjanit. Gjykata Themelore për krimet e rënda në Pejë ka lënë në paraburgim tre të dyshuarit për sulmin e autobusit ku humbën jetën shoferi dhe dy nxënësit.
Gjykata ka aprovuar kërkesën e Prokurorisë për caktimin e masës së paraburgimit ndaj Halil Mehmetaj dhe dy djemve e tij, Kreshnik dhe Malsor Mehmetaj si të dyshuar për ngjarjen e rëndë me një kohëzgjatje prej tridhjetë ditësh.
Duke pasur frikë se të dyshuarit mund të arratisen ose të dëmtojnë apo fshehin prova që i lidhin me ngjarjen është marrë ky vendim. Në fund të njoftimit Gjykata u njeh atyre të drejtën të apelojnë vendimin nëse kanë ankesa.
Ngjarje e ndodhur mbrëmjen e 26 nëntorit mendohet ka nisur për shkak të një vajze të re nga Gllogjani e cila është vetë flijuar.
Sipas familjes së vajzës së vetëvrarë arsyeja e kësaj vetëvrasje është shoferi i autobusit, Gani Gjokaj.
Për pasojë, autorët e maskuar synonin të vrisnin Gjokajn, por plumbat u morën jetën edhe dy nxënësve që ndodheshin në autobus, Ledion Hamzaj, 16 vjeç dhe Gentiana Mustafaj 17 vjeçe. Arsyet se për se e fajësonin të ndjerin Gjoka, mbeten ende të paqarta.
Discussion about this post