Janë zbardhur dëshmitë e dhënë për grupin hetimor e dy punonjësve të hotelit “Greccia” në Dhërmi, Daniel Qose, 33 vjeç dhe David Larti, 30 vjeç nga Korça, të cilët u arrestuan, pasi dyshohet se kanë ndihmuar autorin Gerald Shehu për të fshehur trupin e viktimës Eraldo Nevruzi, 31 vjeça, pasi e vrau me armë zjarri.
Burime për mediat bëjnë me dije se ata kanë dëshmuar se nuk kanë dijeni për vendndodhjen e trupit të Nevruzi. Daniel Qose dhe David Larti kanë deklaruar se e kanë ndihmuar gerald Shehun vetëm për ta futurtrupin e pajetë në bagazh, teksa sipas tyre, ai e ka tek shkallët e hotelit pas një konflikti me njëri tjetrin.
“Na ka bërtitur me tone të larta për të marrë qeset dhe e kemi futur trupin në bagazh por më pas nuk dimë gjë”, janë shprehur dy punonjësit.
Pas më shumë se 24 orëve, është gjetur trupi i viktimës Eraldo Nevrusi, i cili u vra nga Gerald Shehu.
Trupi i pajetë i viktimës është gjetur pranë një gurore në afërsi të fshatit Vuno në Himarë.
Kërkimet për gjetjen e trupit të 31-vjeçarit kanë vijuar që prej ditës së djeshme nga toka dhe me dron nga ajri.
43-vjeçari Gerald Shehu, sipas uniformave blu, “zhduku” trupin e pajetë të Eraldo Nevruzit i ndihmuar nga dy punonjësit e hotelit, 33-vjeçari Daniel Qose dhe 30-vjeçari David Larti.
Gerald Shehu është bashkëpronar i hotelit “Greccia” në Dhërmi bashkë me vjehrrën e tij Gentjana Nino, teksa Eraldo Nevruzi kishte vetëm një javë që kishte nisur punë si recepsionist në këtë hotel.
Ngjarja dyshohet se ka ndodhur pas mesnatës së të mërkurës, 6 qershor, ndërsa u zbulua vetëm pasi në një prej dhomave në hotel ku është vrarë 31-vjeçari janë gjetur njolla gjaku. Të dy, autori dhe viktima kanë qenë në brendësi të hotelit ‘Greccia’ në Dhërmi kur dyshohet se janë konfliktuar. Gerald Shehu ka nxjerr armën dhe dyshohet se e ka qëlluar me plumb në kokë.
Discussion about this post