Prokuroria e Tiranës kërkon vënien në dispozicion të dëshmisë së dy vëllezërve Gentjan dhe Indrit Beqiraj, pasi zbërthyen vrasjen më 4 janar në Don Bosoko, dhe gjithashtu një sërë ngjarjesh të tjera kriminale.
Vëllezërit Bqiraj kanë deklaruar para uniformave blu se shënjestra e atentatit të ndodhur më 4 janar 2022 në Don Bosko në Tiranës, nuk ka qenë Erion Çela, por Geron Hysenbelliu. Grupi i vrasësve ishte kontaktuar nga Kasandër Noga, një emër mjaft i njohur i botës së krimit, i cili synonte të vriste hasmin e tij, Geron Hasanbelliun.
Gentian dhe Indrit Beqiraj, janë kontaktuar nga Kevin Zeneli alias Kevin Suçi, 23 vjeç, për llogari të Kasandër Nogës kundrejt pagesave nga 50 mijë deri 150 mijë euro, për të kryer vrasjen e Geron Hasanbelliut. Madje, në dosje thuhet se vëllezërit kishin nisur vëzhgimin e Hasanbelliut që rrinte në zonën e “Don Boskos” në Tiranë, por e kishin parë si “objektiv të vështirë” dhe prandaj nuk kishin vepruar.
Përballë hezitimit të tyre, kishte vepruar vetë Kevin Suçi që mori porosinë nga Noga duke qëlluar me kallash gabimisht ndaj Erjon Çelës, të cilin e kishte ngatërruar me Geron Hasanbelliun. Çela mbeti i vdekur në vend pa pasur asnjë lidhje me ngjarjen në 4 janar të këtij viti, kurse dy vëllezërit Beqiraj ndihmuan Kevin Zenelin (Suçin) që kishte kryer vrasje që të largohej nga Shqipëria.
Mes të arrestuarve janë edhe 12 persona të tjerë krahas vëllezërve Beqiraj, të cilët janë përfshirë në të gjithë këtë grup kriminal. Pjesë e listës janë ata që morën peng vëllezërit Beqiraj, si edhe personat që siguruan armët dhe lëndët eksplozive. Spikasin në këtë listë polici Flamur Bejko, i cili i kishte kërkuar atyre vrasjen e dy personave në Durrës duke i dhënë paraprakisht 3 500 euro, si edhe një ushtarak i quajtur Altin Celami, i cili shërbente si person që ruante armët e grupit dhe u siguronte atyre të tjera.
Discussion about this post