Deputetja e PD, Grida Duma, ka reaguar sot ne lidhje me ngjarjen në Fier, ku u vra në mënyrë makabre një 8-vjeçar. Përmes një postimi në Facebook, ajo shkruan se kjo ngjarje tregon realitetin shqiptar që dhemb, por që po e shohim gjithmonë e më shumë. Sipas Dumës, reagimet e qeverisë tani pasi ndodhi kjo tragjedi janë të pavlera, madje ajo shprehet se çdo lloj vendimi që do të merret tani nuk shërben, madje as nuk ndihmon pasi dihet me kohë që autori vuante nga problemet mendore dhe zgjidhja më e mira do ishte trajnimi i tij mendor. Këtu ajo tregon se, qeveria nuk ka aftësi të marrë nën trajtim këta persona, pasi sistemi dhe institucionet në vend nuk funksionojnë si duhet.
“Rasti i Fierit dhemb, dhemb si nënë, si politikane, si pjesë e shoqërisë. E nuk e kam aspak për fenomenin, ai lind me ne, fenomenet ne njerëzit i prodhojmë, po përgjegjësia institucionale ku është?? Çfarë do ndodhë me këtë njeri që mori jetën e një fëmije nga paaftësia mendor , tashmë e ditur nga i gjithë komuniteti , shoqëruar edhe me dokument mjekësor… Çfarë do të ndodhë? Do gjykohet nga drejtësia si i paaftë mendorë??? Po këtë e dinin, e dinin të gjithë… përse duhet të merrte një jetë e më pas të merrte vlerë raporti i tij mjekësor.. si duhet ti trajtojnë institucionet këta persona? Në botë u hoq dënimi me vdekje sepse funksionon institucionalizimi i personave që vuajnë me shëndetin mendorë, po këtu në vendin tonë çfarë funksionon? Cili nga sistemet? Ai parandaluesi? Trajtuesi? Apo gjykuesi”, shkruan ajo.
Sakaq, Duma ironizon Ramë duke thënë se ka vënë në fuqi një drejtësi të sëmurë mendore. Sipas saj, në Shqipëri vetë sistemi është si sëmurë dhe në vend që të jap zgjidhje i degradon çështjet më shumë. “Rama sot foli për vetting e drejtësi. Jo jo, të sëmurët mendorë nuk shërohen me gjyqe as parandalohen me seanca. Ai individ dhe shumë të tjerë që enden rrugëve e jetojnë mes njerëzish normalë po nuk janë normalë duhet ti njekë e ti identifikojë shërbimi i shëndetit mendor. Kjo qeveri ka një qasje të sëmurë me vetë qeverisjen. Të qeverisësh , nuk është të kesh metra katrorë shkollash apo metra katrore qendrash shëndetësore dhe pa asnjë mjet shërbimi. Të qeverisësh, është të investosh në njerëz në punonjës sociale në psikologë në psikiatër në qendra të ofrimit të shërbimeve direket që diagnostikojnë e ndjekin në vazhdimësi gjendjen e njerëzve në varfëri e trauma që mund të kthehen në rrezik në përditshmëri”, tha Duma, duke bërë thirrje që të vihen në dispozicion si duhet institucionet e drejtësisë.
Discussion about this post