Në foto është 23-vjeçari Xhimi Bakaj, i cili mbeti i vdekur dje në Fier, pasi u qëllua me thikë nga ish-bashkëshorti i të dashurës me të cilën ky i fundit bashkëjetonte.
I riu u dërgua me plagë të rënda në spital, por nuk arriti dot të mbijetonte. Shkak për vrasjen e të riut, sipas burimeve policisë, është bërë divorci mes autorit dhe bashkëshortes me të cilën ka dy fëmijë.
Ngjarja ka ndodhur rreth orës 21:00, në rrugën “Ramiz Aranitasi”. Autori është identifikuar si Xhuliano Miho i cili qëlloi për vdekje të riun Xhimi Bakaj 23 vjeç. Autori e ka takuar të riun në rrugë dhe e ka qëlluar 3 herë me thikë, duke i marrë jetën. 39 –vjeçari Xhuliano Miho është arrestuar nga policia.
“Rreth orës 21:00, në rrugën “Ramiz Aranitasi”, shtetasi Xh. M., 39 vjeç, gjatë një konflikti për motive të dobëta, ka goditur me mjet prerës (thikë), shtetasin Xh. B., 23 vjeç, i cili si pasojë e plagëve të marra ka humbur jetën në spital. Shërbimet e Policisë kanë kapur dhe shoqëruar në Polici shtetasin Xh. M., dhe po kryhen veprimet e mëtejshme procedurale. Grupi hetimor po punon për sqarimin e rrethanave dhe dokumentimin ligjor të rastit”, njofton Policia.
Discussion about this post