Një atentat me armë zjarri është shënuar mbrëmjen e sotme në kryeqytet. Gijotina.com raporton se rreth orës 19:56, është ekzekutuar me armë zjarri tip silenciator 30- vjeçari me origjinë nga Dibra por banues në lagjen nr.1 Bathore , Can Kariçi.
Ngjarja ka ndodhur në Kodër Kamëz, në rrugën “Nikoll Vatnikaj”, teksa i riu po lëvizte me mjet tip “Golf” 5 me targa gjermane. Pak minuta pas raportimtit të atentatit, policia ka gjetur një makinë tip “Audi” të djegur në zonën e Institutit.
Pista kryesore ku po hetohet ngjarja është e shkuara e të riut, pasi nga kërkimet e gijotina.com rezulton se më 26 shkurt të këtij viti Kariçi u arrestua në kuadër të një aksioni të ushtruar nga Forcat Speciale Renea, me një armë zjarri pistoletë “GLOCK”, me një krehër me 14 fishekë dhe gjatë kontrollit fizik në xhepin e xhupit iu gjet një krehër i markës “GLOCK”, me 16 fishekë të kalibrit 9 mm pa leje.
I riu dyshohej se ishte autori i vjedhjes se targave të shpallura në kërkim nga DVP Shkodër të vjedhura më datë 19.09.2019, të cilat u gjetën brenda ambienteve rrethuese të objektit. Kariçi u arrestua për veprat penale “Armëmbajtja pa leje ” dhe “Vjedhja” por nuk dihet se si ka arritur që të dalë nga burgu.
Njohja me Armando Dumanin dhe Erigers Mihasin
Nga hetimet e deritanishme viktima 30- vjeç Can Kariçi kishte njohje me dy viktimat, Eriges Mihasin dhe Armand Dumani, të cilët u vranë me breshëri armësh nga një automjet në lëvizje në zonën e Astirit, ngjarje e ndodhur në nëntor të këtij viti.
Po ashtu burime bëjnë me dije se viktima ishte mik i Ervis Martinaj, emri i të cilit është lakuar disa herë në ngjarje kriminale.
Dyshohet se Can Kariçi është pjesë e sagës së vrasjeve mafioze, lidhur kjo edhe nga fakti se ai është njohur me dy viktimat Dumanin dhe Mihasin. Është përdorur e njëjta skemë e fshehjes së gjurmëve të krimit ajo e djegies së makinë me të cilën autorët kanë kryer vrasjen. E në këtë mënyrë identifikimi i tyre bëhet më i vështirë.
Discussion about this post