Eksperti i kriminalistikës Fatjon Softa, paralajmëroi se hakmarrja mes dy familjeve Rexha dhe Gosa në Kavajë mund të vazhdojë.
Softa theksoi se vrasja ishte e planifikuar për hakmarrje nga autori Habib Rexha, ku objektivi i vetëm ishte Arjan Gosa.
Eksperti theksoi se Rexha mund të kishe vrarë lehtësisht dhe babanë e viktimës, por fokusi i tij ishte vëllai i Edmond Gosës, personit që dy muaj më parë i vrau të vëllanë.
Softa tha për Euroneës se shteti duhet të marrë masa pasi kjo ngjarje mund të çojë në një zinxhir vrasjesh të tjera.
“Ka qenë i parapërgatitur dhe i qartë për veprimet që ka pasur. Pra nëse do të ishte me babain apo pa babain objektivi do ishte të vriste të vëllanë. Kjo është shumë e qartë për sa kohë që një njeriu që realizon një krim nuk i kushtonte gjë të vriste dhe personin tjetër duke lënë një dëshmitarë mangët.
Ka qenë shumë e qartë që ka dashur të merrte hak te i vëllai. Mund ta vriste babain qoftë për hakmarrje, qoftë për të mos lënë një dëshmitar, pasi babai ndodhej nga pak centimetra larg, dhe ndoshta e ka identifikuar.
Ky është një zinxhir vrasjesh që do të prodhojë vrasje. Do sjellë hakmarrje pasi nuk ka gjë më të rëndë se t’i vrasësh babait djalin në sytë e tij. Kjo duhet të ishte ndaluar që nga vrasja e parë, jo thjesht për të zbutur gjakrat, por që familjarët të merreshin nën siguri nga Policia e Shtetit”, tha Softa.
Discussion about this post