Burime nga policia bëjnë me dije se është gjetur arma e krimit dhe automjeti që u përdor nga Habib Rexha.
Pas marrëveshjes ditën e djeshme me policinë, sot Rexha ka treguar se ku ka lënë mjetin dhe armen.
Policia i ka gjetur në Durrës në zonën e Plazhit dhe i ka sekuestruar në cilësinë e provës materiale.
Habib Rexha ka treguar se pak pas ngjarjes i ka lënë me qëllim që të humbë gjurmët.
31-vjeçari Rexha ka dhënë dëshminë e tij para grupit të hetimit, ku tha se se vrasjen e ka kryer pasi ai dhe familja e tij ndiheshin të kërcënuar.
Sipas tij, viktima Arjan Gosa kur ishte kthyer nga Italia ishte shprehur se do ta shuante familjen Rexha.
“Une jam autori i vrasjes së Arjan Gosës. Vrasjen nuk e kam kryer për gjakmarrje, por për arsye se Arjani kur ishte kthyer nga Italia është shprehur se do ta na shuante si familje. Kësaj, unë i bëra parapritë. Sa të na vriste ai neve, pashë të udhës ta vrisja unë i pari. Vëllezërit e mi dhe babai nuk kishin fare dijeni. E dija qe Arjani pinte kafe te lokali pranë shtepisë së tij. Shkova e qëllova dhe më pas u largova në drejtim të Durrësit. Pistoletën e hodha në afërsi të pistës Iliria në Durrës tek ca gurë”,- ka deklaruar ndër të tjera Habib Rexha.
Discussion about this post