Një ekzekutim me armë zjarri tronditi vendin mbrëmjen e djeshme pak para mesnatës në zonën “Kodra e Diellit” në Tiranë. Gijotina.com raportoi se është qëlluar për vdekje një 39- vjeçar i cili rezulton me dy identitete.
Viktima është identifikuar me emrin Briken Sanaj (alias Skerdi Sanaj). Ai u ekzekutua me breshëri kallashnikovi nga një automjet tip “Benz” në lëvizje sapo ka lënë bashkëshorten në garazh me makinë, ndërsa shoqërohej edhe nga shoku i tij. Pasi ka dalë nga garazhi, autorët janë futur në rezidencën “Kodra e Diellit” me makinë, kanë thyer traun dhe kanë qëlluar në drejtim të 39-vjeçarit, i cili ka ndërruar jetë në vend.
Fillimisht ai është dërguar nga banorët e zonës në spital, por ka mbërritur i pajetë, pasi u qëllua me 2 plumba në fytyrë. Autorët e ngjarjes janë larguar menjëherë pas krimit. Ndërsa një automjet u gjet i djegur në Qafë Kashar, i cili dyshohet të jetë e ekzekutorëve ku brenda u gjednën edhe plumbat e krimit. Nga hetimet e deritanishme, gijotina.com mëson se mjeti rezulton i vjedhur çka shton ndryshimet për një atentat të mirëogranizuar nga autorët.
Viktima me dy emra. Pista e hetimit
Në të gjitha dokumentet që ju gjetën me vete emri i viktimës është Briken Sanaj, megjithatë, ai njihet nga rojet private te Kodra e Diellit si Anton Gjini dhe kishte më shumë se një vit që ishte rezident te “Kodra e Diellit.” Policia gjeti në vendngjarje gëzhojat e plumbave me të cilat u qëllua ndaj 39-vjeçarit. Brenda automjetit që po digjej u gjet edhe arma e zjarrit, një kallashnikov.
Policia po heton mbi të shkuarën e tij, ndërsa paraprakisht pista ku po hetohet ngjarja është hakmarrja. Në vitin 2012, vëllai i 39- vjeçarit ka plagosur një person, megjithatë pasi të kryen hetimet e plota, policia pritet të zbardhë detaje për një pistë zyrtare, nisur kjo edhe hulmumtimi mbi të shkuarën e viktimës.
Gjithashtu pritet të zbardhen detaje pas ekzaminimit të armës së gjetur në makinë për të rënë në gjurmët e autorëve.
Discussion about this post