Deputeti demokrat Enkelejd Alibeaj ka reaguar në lidhje me ngjarjet e mbrëmjes së kaluar që kulmuan me vrasjen e një polici në komisariatin nr 3 nga kolegu i tij. Në një postimi në Facebook, Alibeaj thotë se jetët e shqiptarëve janë të pambrojtura dhe se ky ishte një alarm që PD e ka ngritur prej vitesh.
Sipas tij, historiku i përfshirjes së forcave të rendit në ngjarje kriminale e bën situatën më dramatike dhe dëshmon edhe njëherë gjendjen e vërtetë mes radhëve të Policisë së Shtetit.
“Breshëri armësh brenda komisariatit, plagosje e një të ngrati prej policit të dehur dhe një bilanc lufte me të plagosur e të vrarë, këtë herë mes vet forcave të rendit! Përpos keqardhjes për humbjen e jetës, jetët e shqiptarëve janë gjithnjë e më të pambrojtura. Një alarm që PD e ka ngritur në vite. Historiku i përfshirjes së forcave të rendit në ngjarje kriminale, përfshirja në trafik droge, në mbrojtjen e kriminelëve, rekrutimet politike në policinë e shtetit e shumë të tjera, e bën situatën më dramatike dhe dëshmon edhe njëherë gjendjen e vërtetë mes radhëve te Policise së Shtetit! Organizata e Policisë së Shtetit nuk duhet të jetë as strehë e elementëve kriminalë dhe as strehë e militantëve të padenjë për të veshur uniformën e ruajtësit të rendit e sigurisë. Ndaj ngjarje të tilla duhet të jenë kambanë alarmi për gjendjen e policisë dhe një thirrje për të rivënë në shinat e ligjshmërisë Policinë e Shtetit”, shprehet Alibeaj.
Discussion about this post