Janë zbardhur sot të tjera detaje rreth ekzekutimit të Xhelal Reçit, ish-efektivit që u ekzekutua këtë të hënë, 1 nëntor në Laç. Ngjarja e sotme dyshohet të këtë ardhur si pasojë e sherreve të djemve të tij, kryesisht Besnik Reçit. Mësohet se, rreth 3 vite më parë djemtë e tij dhe vetë Xhelali kanë qenë shënjestër e një atentati në hyrje të lokalit të tyre në Kurbin, por që kanë shpëtuar për mrekulli. Sipas burimeve, Sherri kishte nisur për motive banale dhe familja Reçi kishte bërë negocim me personat e përfshirë në sherr dhe gjërat ishin pajtuar mes tyre. Ndër të tjera , mësohet se Besnik Reçi ka qenë sërish shënjestër e një atentati vetëm disa kohë më parë, për shkak të një sherri me disa person që jetonin në fshatin periferik në Gjormë. Situata mes tyre asaj kohe ka agravuar deri në përdorimin e armëve të zjarrit.
Nga na tjetër, gazetarja Anila Hoxha ka treguar se djali i viktimës, shoqërohet me një të dënuar me burg përjetë, por që është në liri pas vendimit të Gjykatës së Krujës. “Për shtetasin Besnik Reçi ka të dhëna në rrugë operative se djali i Xhelal Reçit, Besnik Reçi shoqërohet me një shtetas që ishte i dënuar me burgim të përjetshëm, por Gjykata e Krujës i dha liri dhe ky është në liri”, tha Hoxha.
Ndërkohë, mësohet se prej gati dy vitesh, Besnik Reçi qarkullonte jo si normalisht në zonën e Kurbinit e kjo që pas atentatit të bujshëm në aksin Shëngjin-Shkodër. Madje ai ka tentuar të ndërtojë jetën e tij së fundmi në një vend të Bashkimit Europian pasi hesapet e të shkuarës nuk e linin të qetë. Dy persona e ndiqnin me një motoçikletë makinën me të cilën udhëtonte i riu me fëmijën dhe bashkëshorten e tij. Sherret e të birit dyshohet të jetë shkak kryesor i ekzekutimit të Xhelal Reçit, biznesmen i njohur në Kurbin.
Ndërsa në lidhje me këtë ngjarje, pastori Akil Pano tha se kjo është kronikë e një vdekje të paralajmëruar, ndërsa shtoi sikur duket se mëkati i bijve ndjek etërit. “Linja Lezhë-Laç-Fushë Krujë apo edhe Durrës është një linjë që na sjell rreth kësaj tryeze. Këtu disa javë më parë trajtuam jetën e djalit fatkeq që se dimë a u vra apo u vetëvra. Vrau punonjësin e policisë po se morëm vesh a u vra apo jo. Kronika është kronika e një vdekje të paralajmëruar. Më duket sikur mëkati i bijve ndjek etërit. Efekti shkak pasojë është i pashmagshëm. Ai arriti t’i ikte plumbit, por plumbi shkoi te personi i tij më i dashur, babai”, u shpreh pastroi Pano.
Ndërkohë vazhdojnë hetimet për të zbardhur më shumë detaje rreth ngjarjes dhe për të vënë para përgjegjsisë autorët e ngjarjes.
