Policia po heton krimin mafioz që ndodhi pak para mesnatës në Malësi të Madhe në disa pista hetimore, ndërkohë që ka marrë në pyetje familjen e viktimës. Këta të fundit kanë deklaruar se 58-vjeçari i ekzekutuar Sokol Çelaj nuk ka pasur konflikte persona, ndërkohë që ishte në Reç, pasi atje ka tokat e tij.
Nga ana tjetër, Gijotina.com ka siguruar pamjet e para nga vendi i ngjarjes, ku vihet re makina e viktimës, e cila është në anë të një rruge të prishur. Forca të shumta policore kanë shkuar në vendin e ngjarjes për të hetuar më tej mbi këtë ngjarje të rëndë.
Megjithatë, policia ka ngritur dyshimet e para se kjo ngjarje mund të ketë ardhur dhe për parcelat e drogës, pasi zona njihet për kultivimin e bimëve narkotike. Megjithatë, emri i Çelajt nuk ka qenë më parë i skeduar nga policia, kështu që vrasja e tij mund të lidhet me ndonjë pazar të kohëve të fundit.
