Ian A. Hudson, njëri prej aktorëve i cili ishte pjesë e xhirimeve të filmit ku u vra aksidentalisht Halyna Hutchins ka folur për momentin kur ndodhi ngjarja.
Hudson tha se i gjithë ekipi i kamerës mbroheshin nga mburoja gjatë xhirimeve të skenave.
“Kjo më bëri të dyshoja se isha para kamerës dhe mes gjithë atij zjarri. Kur u lëshuan fishekët, kur ata qëlluan mbi mua në fakt ndjeva se mbetjet më goditnin fytyrën dhe trupin tim, dhe mund të ndjeja erën që lëshohej nga pushka”, tha Hudson.
Ndër të tjera, aktori pohon se ishte e rëndë, e fortë dhe ndihej surreale.
Jo vetëm ai, por edhe aktorët e tjerë ndiheshin të frikësuar në momentin e xhirimeve.
Ata gjithashtu rikujtuan ngjarjet e mëparshme, ku aktorët kanë vdekur aksidentalisht gjatë xhirimeve të filmave. Njëra prej tyre është vdekja e Brandon Lee, djalit të Bruce Lee, i cili u qëllua dhe u vra aksidentalisht në xhirimet e “The Crow” në 1993.
Aktualisht autoritetet po hetojnë ende në lidhje me vdekjen e Hutchins. Kujtojmë që ajo u vra aksidentalisht me armë nga aktori Baldwin, teksa po bëheshin provat për xhirimet e filmit.
