Ekzekutimi i ish-deputetit Pashko Ujka në Shkodër, disa ditë më parë dyshohet se ka qenë e paralajmëruar. Nga hetimet e deritanishme ngrihen dyshime se autori e ka patur në vëzhgim ish-zyrtarin për disa ditë, ndërsa të mbrëmjen e së hënës u ndoq këmba-këmbës me armë deri në ekzekutimin final të tij.
Lidhur me ngjarjen policia ka shoqëruar disa persona në lidhje me ekzekutimin e ish-deputetit Pashko Ujka. Personat e shoqëruar janë banorë të zonës të cilët mund të kenë parë autorin, në momentin e ngjarjes, por deri tani dëshmia e tyre nuk ka zbardhur asnjë gjurmë për identitetin e autorit i cili dyshohet se është vrasës me pagesë.
Sakaq, në komisariat janë shoqëruar edhe familjarët të cilët kanë mohuar të kenë konflikte me persona të tjerë, apo para borxh e cila ishte edhe pista kryesore e hetimeve.
Një tjetër hetim që ngre dyshimet për vrasës me pagesë është edhe koha kur autorët kanë zgjedhur për të kryer vrasjen.
Ujka u ekzekutua mbrëmjen e djeshme, atëherë kur ka mbizotëruar errësira totale, çka e bën më të vështirë identifikimin dhe kapjen e autorit, po ashtu edhe provat që ai ka zhdukur nga vendi i ngjarjes pas vrasjes. 64- vjeçari mbeti i plagosur rëndë dhe ndërroi jetë në Spital.
Dyshimet se autori është arratisur drejt Shkodrës po nuk dihet ende nëse ka qenë i shoqëruar, në momentin që ka kryer vrasjen. Vrasja mësohet se është fiksuar nga një kamera sigurie në zonë, por pamjet dhe dëshmia e familjarëve të Pashkë Ujkës nuk e kanë ndihmuar shumë hetimin duke e shtuar këtë ngjarje në sagën e ekzekutimeve mafioze të shënuar gjatë muajve të fundit në vend.
Discussion about this post