Deputeti i PD-së, Ervin Salianji ka reaguar pas vrasjes që tronditi Shkodrën, mbrëmjen e kësaj të diele.Përmes një postimi në Facebook, Salianji shkruan se bandat lajnë hesapet pa patur frikë nga shteti, pasi ky i fundit i jep siguri.
Më tej, deputeti demokrat shprehet se pavarësisht se grupet kriminale po terrorizojnë shqiptarët, kryeministri Edi Rama ka krijuar një realitet virtual ku për të Shqipëria është vendi më i sigurtë.
“Ngjarjet e sotme kriminale në Shkodër dhe Korçē edhe njêherë tjetër tregojnë që Shqipëria është pa rend dhe siguri, që banditët nuk kanë firkë nga autoriteti i shtetit dhe zgjedhin kur dhe ku të duan të lajnë hesapet me njëri tjetrin apo të kërcënojnë ata që nuk ju nënshtrohen!
Ndërkohë që grupet kriminale janë sofistikuar dhe qytetarët janë nën terror, kryeministri ka një realitet paralel kur shprehet se Shqipëria është më e sigurta!
Siguri deri më sot po tregohet që kanë vetëm bandat e krimit të organizuar, siguri që janë të paprekshëm, që çfarëdo të bëjnë qeveria do numërojë makinat e djegura dhe do përpiqet të mbulojë kriminalitetin e lartë me propagandë!”-shkruan Salianji.
Discussion about this post