Kleanth Bylyku (alias Armando Gega), 42 vjeç, u arrestua këtë të premte në Vlorë, si i dyshuar për përfshirjen në vrasjen e ndodhur më 27 prill, ku viktimë mbeti Renato Hoxha.
Sipas burimeve nga policia , Bylyku ka pasur rolin e ndihmësit në ekzekutimin e 58-vjeçarit, i cili punonte si rojë në një objekt në ndërtim. Vrasja dyshohet se është kryer me porosi nga Dubai. Bylyku ka qenë në të njëjtin automjet me ekzekutorin në ditën e vrasjes, dhe mësohet se e ka ndihmuar atë me lëvizjet, i ka siguruar informacionet e duhura për viktimën, si dhe armën e zjarrit.
Ekzekutori i dyshuar është larguar drejt Greqisë dhe mbetet në arrati. Burimet theksojnë se Kleanth Bylyku ka qenë një hallkë tepër e rëndësishme e grupit kriminal. Policia e Vlorës vijon punën për kapjen e personave të tjerë të përfshirë në ngjarje, të cilët janë identifikuar. Një seancë gjyqësore ka caktuar masën e sigurisë “arrest me burg në mungesë” për të gjithë personat e dyshuar.
Discussion about this post