Nikolin Marku (Lekstakaj) u ekzekutua pasditen e së mërkurës në Balldre të Lezhës me një breshëri automatiku.
Viktima u ekzekutua sapo doli nga një market i zonës, 300 metra larg banesës së tij. Policia dyshon se krimi ka ndodhur për hakmarrje.
Në lidhje me atë që ka ndodhur në Lezhë, ka reaguar edhe deputeti i PD-së, Edi Paloka, i cili shkruan në rrjetet sociale se në Lezhë ka një dorë më të zezë se ajo e gjakmarrjes.
‘Në Lezhë ka një dorë më të zezë se ajo e gjakmarrjes. Koha do tregojë!
Si fillim kujtoni që dje ishte në Lezhë, në rolin e ministrit të Brendshëm, Tao. Sot ndodhi vrasja!’, shkruan Edi Paloka në rrjetet sociale.
Një ditë më parë, Taulant Balla dhe kryepolici Muhamet Rrumbullaku ishin në Lezhë, në një takim me strukturat drejtuese të Policisë.
“Në territorin e kësaj republike nuk mund të ketë feude apo bajraqe, ku mbi ligjin dhe mbi qytetarët të jenë të fortët dhe nuk mund të ketë individë më të fortë, sesa e bardha e vijave të rrugës apo e kuqja e ngjyrës së semaforëve”, deklaronte Balla.
Si për ironi të fatit, një ditë më pas Lezha është tronditur nga një atentat, ku viktimë ka mbetur 42-vjeçari Nikolin Marku Lekstakaj.
Discussion about this post