Vrasja, Policia 10 mijë euro shpërblim për këdo që jep informacion

Habib Rexha, 31-vjeç, dyshohet të jetë autori i vrasjes së Arian Gosës, pasditen e kësaj të diele në Kavajë.

se është vëllai i Altin Rexhës, 43-vjeçarit që u vra më 29 Mars të këtij viti pas sherrit me Armand Gosën. Nga kjo ngjarje mbeti i vrarë edhe ky i fundit, ndërsa 48-vjeçari i ekzekutuar këtë të diel ishte vëllai i tij.

Zyrtarisht policia, në njoftimin e saj për mediat tha më herët se shkak për vrasjen e sotme dyshohet se ishte pikërisht motivi i hakmarrjes. Aktualisht Habib Rexha ndodhet në arrati dhe policia po punon për kapjen e tij.

“Në vijim të veprimeve të kryera nga grupi hetimor, pas këqyrjes së pamjeve filmike dhe verifikimeve të kryera, është bërë i mundur identifikimi i autorit të dyshuar të vrasjes së shtetasit Arian Gosa, i cili është shtetasi Habib Rexha, 31 vjeç”, tha policia në një njoftim të dytë.

Blutë kanë vendosur dhe një shpërblim 10 000 euro, “për çdo informacion të vlefshëm që do të çojë në kapjen e autorit”.

“Policia e Shtetit fton qytetarët që të japin informacion për autorin e kësaj ngjarjeje dhe vendos shpërblim 10 000 euro, për çdo informacion të vlefshëm që do të çojë në kapjen e autorit. Policia e Shtetit vendos në dispozicion të qytetarëve, numrin e telefonit 069 84 59999, duke garantuar anonimatin e plotë të çdo telefonuesi”, thuhet në njoftim.